Udan ere PRAKTIKATU eta BIZI

Hondartzan, barnetegian, mendian, euskaltegian, lanean, jaietan, atzerrian, etxe ondoan... Udan ere #PRAKTIKATUetaBIZI

Irailean itzuliko gara. 😎

Praktikatu zerbitzuaren erabiltzaileak, pozik

AEKren Praktikatu zerbitzuak inkesta egin du bukatzear den ikasturtean mintzapraktika egitasmoetan parte hartu duten kideen artean, eta nabarmentzekoa da % 89,1ek oso ondo edo bikain baloratu duela egitasmoa. Parte-hartzaileen % 70,6 bidelariak izan dira (batez ere euskara praktikatzeko helburuz ibili diren euskara ikasleak edo ikasle ohiak); bidelagunek, berriz, bi arrazoi nagusi aipatu dituzte proiektuan parte hartzeko: euskaraz hitz egiteko espazio berriak topatzea eta praktikatu nahi duenari laguntzea. Parte-hartzaileen % 42k dio askoz gehiagotan egiten duela euskaraz egitasmoan dabilenetik; % 41,6k, berriz, gehiagotan egiten duela. 

Inkestari erantzun diotenen artean zozketatu diren sarien irabazleak hauek izan dira: Mari Karmen Mintegia (Gernika), Maite Laconcha (Zarautz), Xiomara Galvis (Azkoitia), Txetxu Urkijo (Laudio) eta Laura Uriarte (Bakio). Bestalde, Praktikatuk, parte-hartzaile guztiei eskerrak emateaz gain, udako mintzapraktika programetara jotzera animatu ditu euskara praktikatu eta bizi nahi duten lagun guztiak.

Udan, mendian ere euskaraz

Uda honetan naturan euskaraz praktikatu eta bizi nahi duenak, eskaintza paregabeak dauzka.

Ekainean, KIROLA eta NATURA egitasmoaren barruan bi txango antolatu ditugu: Urkiolatik Ipiztera eta Itxinatik zeharkaldia Info + eta izena ematea.

Uztailean eta abuztuan, berriz, IBILTARIAK daude. Euskal Herriko mendiak ezagutu eta euskaraz praktikatzeko 15 eguneko bi aukera. Lehenengoa, Oion>Lekeitio uztailaren 15etik 28ra; eta bigarrena, Hondarribitia>Izaba abuztuaren 2tik 16ra. Info+ eta izena ematea.